Landsdómaranámskeið

Helgina 4.-6. janúar 2008 verður haldið landsdómaranámskeið í Reykjavík. Námskeiðið verður haldið í tengslum við fund deildardómara sem verður haldinn sömu helgina. Til að geta orðið landsdómarar þarf að uppfylla eftirfarandi skilyrði: 

10.2.4. Réttindi sem landsdómarar öðlast menn með prófi að afloknu námskeiði, sem haldið er af dómaranefnd HSÍ Til þess að ná réttindum sem landsdómari skal eftirtöldum skilyrðum fullnægt: Dómaraefni skal vera að minnsta kosti 19 ára á almanaksárinu og hafa A-stigs réttindi Dómaraefni skal standast þríþætt próf, skriflegt, verklegt og líkamlegt og skulu þessi próf vera í samræmi við EHF/IHF próf á hverjum tíma. Landsdómarar hafa réttindi til að dæma alla leiki á Íslandi aðra en þá sem þarf alþjóðaréttindi til og með eftirtöldum takmörkunum: Hámarksaldur dómara í efstu deildum karla og kvenna, skal vera þegar dómari hefur náð 55 ára aldri. Eftir 55 ára aldri er náð hafa þeir rétt til að dæma í öðrum deildum og flokkum karla og kvenna, ef dómari hefur staðist þau próf, sem lögð eru fyrir af Dómararnefnd HSÍ á hverjum tíma. Hámarksaldur eftirlitsmanna skal vera þegar eftirlitsmaður hefur náð 68 ára aldri. Miða skal við 1. ágúst á því ári sem tilnefning á sér stað. Dómaranefnd getur veitt undanþágu frá þessum aldurstakmörkunum, standi sérstaklega á.

Ég vil hvetja sem flesta til að mæta og spreyta sig á að ná lengra í dómgæslu því það eru mörg spennandi tækifæri framundan

Athugasemdir

[Kristinn Björgúlfsson (IP-tala skráð) 12.12.2007 kl. 21:31]

Er hægt að taka þetta í fjarnámi?

[Guðjón Leifur Sigurðsson, 15.12.2007 kl. 20:34]

Það er ekki hægt að taka landsdómaranámskeið í fjarnámi en við erum að reyna að koma unglingadómurum og A-stigs dómurum í fjarnám.   

10.2.      Dómarar.10.2.1.   Handboltadómurum skal skipt eftir kunnáttu og reynslu í unglingadómara, A-stigs og landsdómara.10.2.2.   Réttindi sem unglingadómarar öðlast menn með prófi sem tekið er á heimasíðu HSÍ í fjarnámi. Til þess að ná unglingadómararéttindum skal eftirtöldum skilyrðum fullnægt:                        Dómaraefni skal vera fullra 15 ára.                       Dómaraefni skal standast skriflegt próf og sýna fram á verklega kunnáttu hjá sínu félagsliði.                        Sá sem hefur staðist próf, hefur réttindi til að dæma kappleiki í aldursflokkum beggja kynja, frá og með 7. flokki og til og með 5. flokki, hvar sem er á landinu.10.2.3.   Sem A-stigs dómari öðlast menn með prófi,  sem tekið er á heimasíðu HSÍ. Til þess að ná réttindum sem A-stigs dómari skal eftirtöldum skilyrðum fullnægt:        Dómaraefni skal vera 17 ára og miða skal við almanaksárið. Dómaraefni skal standast þríþætt próf, skriflegt og sýna fram á verklega kunnáttu hjá sínu félagsliði. Sækja námskeið á vegum dómaranefndar.Sá sem hefur staðist A-stigs próf, hefur réttindi til að dæma kappleiki í öllum aldursflokkum beggja kynja, öðrum en meistaraflokki og 2. flokki karla, hvar sem er á landinu. Þó skulu A-stigsdómararéttindi ekki gilda í leikjum í A-úrslitum og undanúrslitum í unglingaflokki karla og kvenna.Dómaranefnd er heimilt að víkja frá aldursmörkum, sýni viðkomandi sérstaka kunnáttu og hæfni til dómgæslu.